ప్రపంచ క్రికెట్లో ఒకప్పుడు తిరుగులేని ఆధిపత్యం ప్రదర్శించిన వెస్టిండీస్ జట్టుకు మరో నిరాశ ఎదురైంది. 2027 ఐసీసీ వన్డే ప్రపంచకప్కు నేరుగా అర్హత సాధించే అవకాశాన్ని ఆ జట్టు కోల్పోయింది.2027 ప్రపంచకప్కు నేరుగా అర్హత సాధించేందుకు ఐసీసీ వన్డే ర్యాంకింగ్స్లో టాప్-8లో ఉండటం కీలకం. ఆతిథ్య దేశాలైన దక్షిణాఫ్రికా, జింబాబ్వే ఇప్పటికే బెర్త్లు పొందగా, మిగిలిన జట్లు ర్యాంకింగ్స్ ఆధారంగా ఎంపిక కానున్నాయి.ఐర్లాండ్తో జరిగిన మ్యాచ్లో అఫ్గానిస్థాన్ విజయం సాధించడంతో ఆ జట్టు టాప్-8లోకి చేరింది. దీంతో వెస్టిండీస్కు నేరుగా అర్హత సాధించే అవకాశాలు ముగిశాయి.ప్రస్తుతం ఆస్ట్రేలియా, భారత్, న్యూజిలాండ్, పాకిస్థాన్, శ్రీలంక, ఇంగ్లండ్, బంగ్లాదేశ్, అఫ్గానిస్థాన్తో పాటు ఆతిథ్య దేశాలు దక్షిణాఫ్రికా, జింబాబ్వే ప్రపంచకప్కు నేరుగా అర్హత సాధించాయి.వెస్టిండీస్ ఇప్పుడు ఐసీసీ ప్రపంచకప్ క్వాలిఫయర్ టోర్నీలో ఆడాల్సి ఉంటుంది. ఇందులో విజేతగా నిలిస్తే నేరుగా ప్రధాన టోర్నీకి అర్హత సాధిస్తుంది.ఒకవేళ రెండు, మూడు లేదా నాలుగో స్థానాల్లో నిలిస్తే సూపర్ సిరీస్ ప్లేఆఫ్లో అవకాశం ఉంటుంది. అక్కడ విజయం సాధించిన జట్టుకు ప్రపంచకప్లో మిగిలిన బెర్త్ లభిస్తుంది.2023 వన్డే ప్రపంచకప్కు కూడా వెస్టిండీస్ నేరుగా అర్హత సాధించలేక క్వాలిఫయర్స్లో పాల్గొంది. అయితే ఆ టోర్నీలో విఫలమై తొలిసారి ప్రపంచకప్కు దూరమైంది.ఆ తర్వాత ఛాంపియన్స్ ట్రోఫీకి కూడా అర్హత సాధించలేకపోయింది. ఇప్పుడు 2027 ప్రపంచకప్ కోసం మరోసారి క్వాలిఫయర్ మార్గాన్ని ఆశ్రయించాల్సి వచ్చింది.
