హైదరాబాద్‌లో నేడు పలు ప్రాంతాల్లో విద్యుత్ కోత.. టైమింగ్స్ ఇవే

హైదరాబాద్ నగరంలోని పలు ప్రాంతాల్లో విద్యుత్ లైన్లు, ఫీడర్ల మరమ్మతుల కారణంగా శనివారం తాత్కాలికంగా విద్యుత్ సరఫరా నిలిపివేయనున్నారు. ఆజామాబాద్ డివిజన్‌లోని మదర్ డైరీ 11 కేవీ ఫీడర్ పరిధిలో ఉదయం 11 గంటల నుంచి మధ్యాహ్నం 1 గంట వరకు కరెంట్ ఉండదు. చిక్కడపల్లి పరిధిలో మధ్యాహ్నం 2 నుంచి 3 గంటల వరకు, ఆప్కో పరిధిలో 3 నుంచి 4 గంటల వరకు, గాంధీకుటీర్ పరిధిలో 4 నుంచి 5 గంటల వరకు విద్యుత్ సరఫరాను నిలిపివేయనున్నారు.

కాప్రా ప్రాంతంలో వెంకటేశ్వరనగర్ ఫీడర్ పరిధిలోని హెచ్‌బీ కాలనీ, ఇందిరానగర్, రాఘవేంద్రనగర్, డైమండ్ హిల్స్ ప్రాంతాల్లో కొద్దిసేపు విద్యుత్ కోత ఉంటుంది. మౌలాలి ఫీడర్ పరిధిలో గోపాల్‌నగర్, హనుమాన్‌నగర్, ఓల్డ్ మౌలాలి, ఎస్పీనగర్, కస్తూరిబానగర్, వసంత్ విహార్ తదితర ప్రాంతాల్లో కూడా సరఫరా నిలిచే అవకాశం ఉంది.

పేట్‌బషీరాబాద్ పరిధిలోని దూలపల్లి, సాయినగర్, మహాలక్ష్మి కాలనీ, సెంట్ మార్టిన్ కాలేజ్ పరిసర ప్రాంతాల్లో ఉదయం 11 నుంచి 12 గంటల వరకు పవర్ కట్ ఉంటుంది. అపర్ణ ఫీడర్ పరిధిలోని దూలపల్లి ఎక్స్‌రోడ్, కొంపల్లి బ్రిడ్జి, అపర్ణ వెంచర్, వికాస్ విల్లాస్ ప్రాంతాల్లో మధ్యాహ్నం 1.30 నుంచి 3.30 వరకు కరెంట్ నిలిపివేయనున్నారు.

కేపీహెచ్‌బీ ఆరో ఫేజ్, భగత్‌సింగ్‌నగర్ ప్రాంతాల్లో మధ్యాహ్నం 2 నుంచి సాయంత్రం 5 గంటల వరకు విద్యుత్ సరఫరా ఉండదని అధికారులు తెలిపారు. వినియోగదారులు ముందస్తుగా అవసరమైన ఏర్పాట్లు చేసుకోవాలని సూచించారు.