మిస్ వరల్డ్ కిరీటానికి 75 ఏళ్లు.. వెలకట్టలేని అందాల చరిత్ర

ప్రపంచవ్యాప్తంగా అందాల పోటీల్లో అత్యంత ప్రతిష్ఠాత్మక గుర్తింపుల్లో ఒకటైన మిస్ వరల్డ్ కిరీటం 75 ఏళ్ల చరిత్రను పూర్తి చేసుకుంది. ఈ కిరీటం కేవలం ఆభరణం మాత్రమే కాకుండా మిస్ వరల్డ్ పోటీల వారసత్వానికి ప్రతీకగా నిలుస్తోంది.

కథనం ప్రకారం, మిస్ వరల్డ్ కిరీటాన్ని 18 క్యారెట్ వైట్ గోల్డ్‌తో రూపొందించి, దానిపై 1,770 వజ్రాలను పొదిగారు. కిరీటం దిగువన కనిపించే నీలిరంగు గుండ్రటి భాగం ప్రపంచాన్ని సూచిస్తే, దాని చుట్టూ ఉన్న బంగారు రంగు ఆరు శాఖలు ఖండాలకు ప్రతీకగా రూపొందించినట్లు పేర్కొన్నారు. ముత్యాలు, వజ్రాలతో అలంకరించిన ఈ కిరీటాన్ని బ్రిటిష్ రాజకుటుంబానికి ఆభరణాలు తయారు చేసిన గేరార్డ్ సంస్థ రూపొందించినట్లు కథనం తెలిపింది.

మిస్ వరల్డ్ విజేత కిరీటం ధరించే క్షణం ఆమె జీవితంలో ప్రత్యేకమైనదైనా, అసలు కిరీటాన్ని తనతో తీసుకెళ్లేందుకు అనుమతి ఉండదు. పోటీ ముగిసిన తర్వాత దాన్ని ప్రత్యేక బుల్లెట్‌ప్రూఫ్ వాల్ట్‌లో భద్రపరుస్తారు. విజేతకు మాత్రం అసలు కిరీటానికి ప్రతిరూపమైన కిరీటాన్ని జ్ఞాపకంగా అందజేస్తారు.

భారత్ తరఫున 1966లో రీటా ఫరియా తొలి మిస్ వరల్డ్‌గా నిలిచారు. తర్వాత ఐశ్వర్యరాయ్, డయానా హైడెన్, యుక్తా ముఖీ, ప్రియాంక చోప్రా, మానుషీ చిల్లార్ టైటిల్ గెలిచారు. మొత్తంగా భారత్ ఆరు సార్లు మిస్ వరల్డ్ కిరీటాన్ని సాధించినట్లు కథనం పేర్కొంది.