అస్సాంలో దారుణం.. భార్యను హత్య చేసి తలను ఫ్రిడ్జ్‌లో దాచిన భర్త

అస్సాంలో వెలుగుచూసిన ఓ దారుణ హత్య ఘటన కలకలం రేపింది. గువహటికి చెందిన రియా తాలుక్‌దర్ అనే యువతికి కొన్ని నెలల క్రితం అదే ప్రాంతానికి చెందిన వ్యక్తితో వివాహం జరిగింది. అయితే వారం రోజుల క్రితం ఆమెను భర్త హత్య చేసినట్లు పోలీసులు తెలిపారు. అనంతరం శరీరాన్ని ముక్కలుగా చేసి, తలను ఫ్రిడ్జ్‌లో దాచిపెట్టి ఇంటి నుంచి పరారైనట్లు వెల్లడించారు.సెప్టెంబర్ 6న ఇంటి నుంచి తీవ్రమైన దుర్వాసన రావడంతో పొరుగువారు అనుమానం వ్యక్తం చేసి పోలీసులకు సమాచారం ఇచ్చారు. అక్కడికి చేరుకున్న పోలీసులు ఇంట్లో శరీర భాగాలను గుర్తించారు. వాటిని పోస్టుమార్టం కోసం ప్రభుత్వ ఆస్పత్రికి తరలించారు. అనంతరం కేసు నమోదు చేసి దర్యాప్తు ప్రారంభించారు.పరారీలో ఉన్న నిందితుడి కోసం పోలీసులు గాలింపు చర్యలు చేపట్టారు. అయితే ఆదివారం మధ్యాహ్నం అతడు స్వయంగా పోలీసుల ఎదుట లొంగిపోయినట్లు కథనం పేర్కొంది. ప్రస్తుతం పోలీసులు అతడిని విచారిస్తున్నారు. హత్యకు దారితీసిన కారణాలు, ఘటనకు ముందు దంపతుల మధ్య ఏవైనా విభేదాలు ఉన్నాయా అనే కోణాల్లో విచారణ కొనసాగుతున్నట్లు తెలుస్తోంది.ఈ ఘటనకు సంబంధించిన పూర్తి వివరాలు ఇంకా వెలుగులోకి రావాల్సి ఉంది. పోలీసు దర్యాప్తు పూర్తయ్యాక హత్య వెనుక అసలు కారణం స్పష్టమయ్యే అవకాశం ఉంది.