వర్షాలు సమృద్ధిగా కురవాలని ఇంద్రకీలాద్రిలో వరుణ యాగాలు

లోకకల్యాణం, ప్రజల శ్రేయస్సు, సమృద్ధిగా వర్షాలు కురవాలని కోరుతూ విజయవాడ ఇంద్రకీలాద్రి శ్రీ దుర్గా మల్లేశ్వరస్వామి దేవస్థానంలో ప్రత్యేక వైదిక కార్యక్రమాలు నిర్వహించేందుకు ఏపీ ప్రభుత్వం నిర్ణయించింది.దేవాదాయ శాఖ ఉత్తర్వుల మేరకు ఆగస్టు 14వ తేదీ శుక్రవారం నుంచి ఆగస్టు 16వ తేదీ ఆదివారం వరకు మూడు రోజుల పాటు వరుణ యాగాలు, వరుణ జపాలు నిర్వహించనున్నారు.విజయవాడ ఇంద్రకీలాద్రి శ్రీ దుర్గా మల్లేశ్వరస్వామి దేవస్థానంలో ఆగస్టు 14 నుంచి 16 వరకు మూడు రోజుల పాటు త్రయాహ్నిక వరుణ యాగాలు, వరుణ జపాలు నిర్వహించనున్నారు.దేవాదాయ శాఖ ఉత్తర్వుల మేరకు దుర్గాఘాట్, పాత యాగశాలలను వేదికలుగా చేసుకుని ప్రత్యేక హోమాలు, ఘటాభిషేకాలు నిర్వహిస్తారు.వరుణ దేవుడిని ప్రసన్నం చేసుకుని సమయానికి వర్షాలు కురవాలని, ప్రజలు సుఖసంతోషాలతో ఉండాలని ఆకాంక్షిస్తూ ఈ కార్యక్రమాలను నిర్వహిస్తున్నట్లు అధికారులు తెలిపారు.రాష్ట్రంలో మంచి వర్షాలు కురిసి రైతులు, ప్రజలు సుభిక్షంగా ఉండాలని ఆకాంక్షిస్తూ ఈ వరుణ యాగాలను నిర్వహిస్తున్నట్లు అధికారులు తెలిపారు.

దేవాదాయ శాఖ కమిషనర్ ఆదేశాల మేరకు అన్ని ఏర్పాట్లు చేపట్టినట్లు వెల్లడించారు.