భారత్, శ్రీలంక జట్ల మధ్య జరిగిన రెండో టెస్టు మ్యాచ్ డ్రాగా ముగిసింది. తొలి రెండు రోజులు భారత బ్యాటర్ల ఆధిపత్యం కొనసాగింది. భారత్ తొలి ఇన్నింగ్స్లో 503/9 పరుగుల భారీ స్కోరు చేసి డిక్లేర్ చేసింది. అనంతరం శ్రీలంక తొలి ఇన్నింగ్స్లో 290 పరుగులకు ఆలౌట్ కావడంతో భారత్కు 213 పరుగుల ఆధిక్యం లభించింది. దీంతో శ్రీలంక ఫాలోఆన్ ఆడాల్సిన పరిస్థితి ఏర్పడింది.
రెండో ఇన్నింగ్స్లో శ్రీలంక బ్యాటర్లు చివరి వరకు పోరాడారు. ముఖ్యంగా సోనాల్ దినుష అద్భుత ప్రదర్శనతో అజేయంగా 133 పరుగులు సాధించాడు. అతడికి కేశర, లాహిరు కుమార వంటి ఆటగాళ్లు కీలక సహకారం అందించారు. భారత బౌలర్లు చివరి వికెట్లు పడగొట్టేందుకు ప్రయత్నించినా ఫలితం లేకపోయింది. శ్రీలంక 429/9 పరుగుల వద్ద ఇన్నింగ్స్ను డిక్లేర్ చేసింది.
చివరి సెషన్లో కొద్దిసేపు మాత్రమే ఆట మిగిలి ఉండటంతో ఇరు జట్ల కెప్టెన్లు డ్రాకు అంగీకరించారు. అయితే తొలి టెస్టులో విజయం సాధించిన భారత్ 1-0తో సిరీస్ను సొంతం చేసుకుంది. ఈ మ్యాచ్లో సోనాల్ దినుష ప్లేయర్ ఆఫ్ ద మ్యాచ్గా నిలిచాడు. ఒకే టెస్టులో రెండు శతకాలు సాధించిన మూడో బ్యాటర్గా కూడా అతడు రికార్డు సృష్టించాడు.
భారత బౌలర్లలో జడేజా, మానవ్ సుతార్ చెరో మూడు వికెట్లు తీసి రాణించారు. శ్రీలంక చివరి వరుస బ్యాటర్ల పోరాటంతో భారత్ విజయం సాధించే అవకాశాన్ని కోల్పోయింది.
‘తోక’ను తెంచలేక.. రెండో టెస్టు డ్రా, 1-0తో టీమిండియాదే సిరీస్
10
