బంగారం ధరలు మరోసారి భారీగా పెరిగాయి. అంతర్జాతీయ భౌగోళిక రాజకీయ పరిణామాలు, అమెరికా ట్రెజరీ బాండ్ దిగుబడుల్లో తగ్గుదల, డాలర్ బలహీనత వంటి అంశాలు పసిడి ధరలపై ప్రభావం చూపుతున్నాయి. అదే సమయంలో అమెరికా ఫెడరల్ రిజర్వ్ వడ్డీ రేట్లపై మార్కెట్లో కొనసాగుతున్న అంచనాలు కూడా బంగారం ధరల కదలికకు కారణమవుతున్నాయి.
గురువారం ఉదయం 10 గంటల సమయంలో హైదరాబాద్, విజయవాడ నగరాల్లో 24 క్యారెట్ల 10 గ్రాముల బంగారం ధర రూ.1,59,270గా నమోదైంది. బుధవారం ధరతో పోలిస్తే ఇది సుమారు రూ.4,300 పెరుగుదల. 22 క్యారెట్ల ఆర్నమెంటల్ బంగారం ధర 10 గ్రాములకు రూ.1,46,000గా ఉంది. ఒక్క రోజులోనే ఇది సుమారు రూ.3,950 పెరిగింది.
వెండి ధరలు కూడా ఇదే స్థాయిలో దూసుకెళ్లాయి. హైదరాబాద్, విజయవాడలో కిలో వెండి ధర సుమారు రూ.2.60 లక్షలకు చేరింది. ఒక్క రోజులోనే కిలో వెండిపై దాదాపు రూ.10 వేల పెరుగుదల నమోదైంది.
బంగారం ధరలను ప్రభావితం చేసే ప్రధాన అంశాల్లో అంతర్జాతీయ మార్కెట్ ధరలు, డాలర్ విలువ, అమెరికా వడ్డీ రేట్ల అంచనాలు, భౌగోళిక రాజకీయ ఉద్రిక్తతలు, పెట్టుబడిదారుల డిమాండ్ కీలకంగా ఉంటాయి. ప్రపంచవ్యాప్తంగా అనిశ్చితి పెరిగినప్పుడు పెట్టుబడిదారులు సాధారణంగా బంగారాన్ని సురక్షిత పెట్టుబడిగా పరిగణిస్తారు. దీంతో డిమాండ్ పెరిగే అవకాశం ఉంటుంది.
అయితే నగల కొనుగోలుదారులు ఒక విషయం గుర్తుంచుకోవాలి. పైన పేర్కొన్నవి మార్కెట్ రేట్లు మాత్రమే. నగల దుకాణాల్లో మేకింగ్ ఛార్జీలు, జీఎస్టీ, ఇతర స్థానిక ఛార్జీలు కలిసిన తర్వాత తుది ధర మరింత ఎక్కువగా ఉండవచ్చు.
బంగారం ధరలకు భారీ జంప్.. హైదరాబాద్, విజయవాడలో 10 గ్రాముల ధర రూ.1.59 లక్షలు
13
Published: 📅
Reported by: 🖊
Jasmin Sk
