హ్యాండ్‌లూమ్ ఎక్స్‌పోలో ఆకట్టుకుంటున్న గిరిజన వెదురు వ్యాయామ కర్రలు

హైదరాబాద్‌లోని ఎన్టీఆర్ స్టేడియంలో కేంద్ర గిరిజన వ్యవహారాల మంత్రిత్వ శాఖ ఆధ్వర్యంలో జరుగుతున్న హ్యాండ్‌లూమ్ ఎక్స్‌పోలో గిరిజన కళాకారుల వెదురు కళాకృతులు సందర్శకులను ఆకట్టుకుంటున్నాయి. వెదురుతో తయారు చేసిన ప్రత్యేక చేతి వ్యాయామ కర్రలను ప్రదర్శనలో ఉంచారు. ఫ్లూట్‌లా కనిపించే ఈ కర్రలను చేతితో తిప్పితే ఈల శబ్దం వినిపించడం ప్రత్యేకత. ఇందుకోసం వెదురు కర్ర కణుపుల దగ్గర రంధ్రాలు చేసి ఒక చివర మెటల్ రింగ్ అమర్చారు. ఈ వినూత్న కళాఖండాలు ఎక్స్‌పోకు వచ్చిన సందర్శకుల దృష్టిని ప్రత్యేకంగా ఆకర్షిస్తున్నాయి.