బాబర్ ఆజమ్‌పై బాసిత్ అలీ సంచలన వ్యాఖ్యలు.. ‘మెంటల్లీ అన్‌ఫిట్’

పాకిస్థాన్ క్రికెట్‌లో మరోసారి వివాదాస్పద చర్చ మొదలైంది. మాజీ క్రికెటర్ బాసిత్ అలీ, స్టార్ బ్యాటర్ బాబర్ ఆజమ్‌పై తీవ్ర వ్యాఖ్యలు చేయడంతో ఈ విషయం హాట్ టాపిక్‌గా మారింది. బాబర్ ఆజమ్ శారీరకంగా కాదు కానీ మానసికంగా క్రికెట్ ఆడేందుకు సిద్ధంగా లేడని బాసిత్ అలీ అభిప్రాయపడ్డాడు. టీ20 వరల్డ్ కప్ సందర్భంగా బాబర్ ఆజమ్, ఫఖర్ జమాన్ గాయాలపాలయ్యారని పాకిస్థాన్ సెలక్టర్ అకిబ్ జావెద్ ప్రకటించిన నేపథ్యంలో బాసిత్ ఈ వ్యాఖ్యలు చేశాడు.

బాబర్ శారీరకంగా ఫిట్‌గా కనిపిస్తున్నప్పటికీ అతడి బ్యాటింగ్‌లో స్థిరత్వం లేదని బాసిత్ అలీ విమర్శించాడు. ముఖ్యంగా నాలుగో స్థానంలో బ్యాటింగ్ చేయడంలో అతడు సరిగా రాణించడం లేదని పేర్కొన్నాడు. ఒకప్పుడు ప్రపంచంలోని అత్యుత్తమ బ్యాటర్లలో ఒకడిగా గుర్తింపు పొందిన బాబర్ ప్రస్తుతం తన స్థాయికి తగ్గ ప్రదర్శన చేయడం లేదని వ్యాఖ్యానించాడు.

అంతేకాకుండా పాకిస్థాన్ జట్టు ఎంపిక వ్యవహారంపై కూడా బాసిత్ అలీ అసంతృప్తి వ్యక్తం చేశాడు. జట్టు ఎంపికపై కోచ్ మైక్ హెస్సేన్‌కు అధిక అధికారాలు ఇవ్వడాన్ని అతడు తీవ్రంగా తప్పుపట్టాడు. జట్టును ఎంపిక చేయడానికి అతడు ఎవరు? అది అతడి కుటుంబ జట్టా? అంటూ యూట్యూబ్‌లో వ్యాఖ్యానించాడు.

ఇదిలా ఉండగా బంగ్లాదేశ్‌తో జరిగిన మూడో వన్డేలో పాకిస్థాన్ ఓటమి చెందింది. సల్మాన్ అలీ అఘా సెంచరీ చేసినప్పటికీ జట్టుకు విజయం సాధించలేకపోయాడు. ఈ పరాజయంతో బంగ్లాదేశ్ సిరీస్‌ను 2-1 తేడాతో కైవసం చేసుకుంది. ఈ నేపథ్యంలో పాకిస్థాన్ క్రికెట్‌లో మార్పులు అవసరమన్న చర్చ మళ్లీ మొదలైంది.