‘కామం కాదు ప్రేమ’… పెళ్లి తర్వాత పోక్సో కేసు రద్దు చేసిన ఉత్తరాఖండ్ హైకోర్టు

ప్రేమ సంబంధం నేపథ్యంలో నమోదైన పోక్సో కేసును ఉత్తరాఖండ్ హైకోర్టు రద్దు చేసింది. నిందితుడు, బాధితురాలు ప్రస్తుతం చట్టబద్ధంగా వివాహం చేసుకుని, ఒక సంతానంతో కలిసి జీవిస్తున్నారని కోర్టు గమనించింది. ఈ వ్యవహారం కామం వల్ల కాదు, ప్రేమ కారణంగా జరిగిందని న్యాయస్థానం వ్యాఖ్యానించింది. విచారణ కొనసాగించడం కుటుంబ జీవితాన్ని దెబ్బతీస్తుందని పేర్కొంది. బాధితురాలు స్వచ్ఛందంగా వివాహం చేసుకుందని, ఇప్పుడు భర్తతో శాంతియుతంగా జీవించాలని కోరుకుంటోందని కోర్టుకు తెలియజేశారు. న్యాయ ప్రయోజనాల దృష్ట్యా కేసును రద్దు చేస్తున్నట్లు హైకోర్టు స్పష్టం చేసింది.