ఫ్లైట్ డ్యూటీ టైమ్ నిబంధనలు అమలు… ఇండిగోకు తాత్కాలిక మినహాయింపు ముగింపు

న్యూఢిల్లీ: ఇండిగో ఎయిర్‌లైన్‌కు గతంలో ఇచ్చిన ఫ్లైట్ డ్యూటీ టైమ్ లిమిటేషన్ (FDTL) నిబంధనలపై తాత్కాలిక మినహాయింపు ఫిబ్రవరి 10తో ముగిసింది. ఫిబ్రవరి 11 నుంచి సవరించిన నిబంధనలను పూర్తిగా అమలు చేస్తున్నట్లు డీజీసీఏ తెలిపింది. డిసెంబర్ 2025లో భారీ విమాన రద్దులు, అంతరాయాల నేపథ్యంలో ప్రయాణికుల భద్రతను కాపాడేందుకు ఈ ఒకసారి మినహాయింపు ఇచ్చారు. ఇప్పుడు అవసరమైన ఆపరేషనల్, రోస్టరింగ్, మానిటరింగ్ ఏర్పాట్లు పూర్తి చేసి కొత్త విధానాలకు అనుగుణంగా సేవలు అందించనున్నట్లు ఇండిగో పేర్కొంది.