ఏపీ, తెలంగాణకు ఆరెంజ్‌ అలర్ట్‌.. రెండు రోజులు భారీ వర్షాల హెచ్చరిక

ఆంధ్రప్రదేశ్‌, తెలంగాణ రాష్ట్రాల్లో రాబోయే రెండు రోజుల్లో భారీ వర్షాలు కురిసే అవకాశం ఉందని భారత వాతావరణ శాఖ (IMD) ప్రకటించింది. ఈ నేపథ్యంలో రెండు తెలుగు రాష్ట్రాలకు ఆరెంజ్‌ అలర్ట్‌ జారీ చేసింది. వర్షాల తీవ్రత పెరిగే అవకాశమున్నందున ప్రజలు అప్రమత్తంగా ఉండాలని అధికారులు సూచించారు.

ప్రస్తుతం నైరుతి రుతుపవనాలు దేశంలోని 22 రాష్ట్రాలకు విస్తరించినట్లు ఐఎండీ వెల్లడించింది. ఉత్తరప్రదేశ్‌లోకి కూడా ఇవాళ రుతుపవనాలు ప్రవేశించే అవకాశం ఉందని తెలిపింది. గత ఏడాదితో పోలిస్తే ఈసారి ఉత్తరప్రదేశ్‌లోకి రుతుపవనాల ప్రవేశం తొమ్మిది రోజుల ఆలస్యంగా జరుగుతోందని పేర్కొంది. బిహార్‌ సరిహద్దు వద్ద గత 16 రోజులుగా రుతుపవనాల పురోగతి మందగించినట్లు వివరించింది.

తెలంగాణలో నైరుతి రుతుపవనాలు చురుగ్గా కొనసాగుతున్నందున వచ్చే ఐదు రోజుల పాటు రాష్ట్రవ్యాప్తంగా వర్షాలు కురిసే అవకాశముందని హైదరాబాద్‌ వాతావరణ కేంద్రం తెలిపింది. ముఖ్యంగా ఉత్తర తెలంగాణ, తూర్పు తెలంగాణ జిల్లాల్లో భారీ నుంచి అతి భారీ వర్షాలు నమోదయ్యే అవకాశం ఉందని హెచ్చరించింది.

జూన్‌ 28 నుంచి జూలై 2 వరకు ఆదిలాబాద్‌, నిర్మల్‌, నిజామాబాద్‌, జగిత్యాల‌, రాజన్న సిరిసిల్ల‌, నల్గొండ‌, సూర్యాపేట‌, మహబూబాబాద్‌, వరంగల్‌, హనుమకొండ‌, మెదక్‌, కామారెడ్డి‌, మహబూబ్‌నగర్‌, నాగర్‌కర్నూల్‌, మంచిర్యాల‌, కరీంనగర్‌, పెద్దపల్లి‌, జయశంకర్‌ భూపాలపల్లి‌, ములుగు‌, భద్రాద్రి కొత్తగూడెం జిల్లాల్లో భారీ వర్షాలు కురిసే అవకాశముందని అధికారులు వెల్లడించారు.

దేశంలోని ఇతర రాష్ట్రాల్లో కూడా వాతావరణ పరిస్థితులు భిన్నంగా ఉన్నాయి. అసోం, మేఘాలయ, పశ్చిమ బెంగాల్‌, సిక్కింలో రాబోయే రెండు రోజుల్లో భారీ వర్షాలు కురిసే అవకాశముందని ఐఎండీ తెలిపింది. సిక్కిం, గోవా, కర్ణాటక రాష్ట్రాలకు కూడా ఆరెంజ్‌ అలర్ట్‌ జారీ చేసింది. జార్ఖండ్‌, ఒడిశాలో భారీ వర్షాలు కురిసే అవకాశం ఉందని హెచ్చరించింది.

మరోవైపు రాజస్థాన్‌లోని పలు ప్రాంతాల్లో గరిష్ఠ ఉష్ణోగ్రతలు 43 డిగ్రీల సెల్సియస్‌ వరకు నమోదవుతున్నట్లు ఐఎండీ వెల్లడించింది. మధ్యప్రదేశ్‌, ఉత్తరప్రదేశ్‌, మహారాష్ట్రలో వడగాడ్పులు వీచే అవకాశముందని కూడా హెచ్చరికలు జారీ చేసింది.

వర్షాల సమయంలో లోతట్టు