తీర్థయాత్రలు, విహార యాత్రలు, ఆరోగ్య యాత్రలు, ఆహార యాత్రలు, ప్రకృతి యాత్రల తర్వాత పర్యాటక రంగంలో మరో కొత్త కాన్సెప్ట్ తెరపైకి వచ్చింది. అదే ‘గ్లోకేషన్’. వెకేషన్తో పాటు చర్మ సంరక్షణ, సౌందర్య మెరుగుదల, వెల్నెస్ చికిత్సలను కలిపే ప్రయాణాలను గ్లోకేషన్ అంటారు.
సాధారణంగా పర్యాటకులు కొత్త ప్రదేశాలను సందర్శించి తిరిగి వస్తారు. కానీ గ్లోకేషన్ యాత్రల్లో పర్యటనతో పాటు స్పా ట్రీట్మెంట్లు, స్కిన్ కేర్ చికిత్సలు, ఫేషియల్స్, శరీర సంరక్షణ విధానాలను కూడా పొందుతారు.
దక్షిణ కొరియా రాజధాని సియోల్ గ్లోకేషన్కు ప్రముఖ కేంద్రంగా మారింది. అక్కడ ఆధునిక స్కిన్ కేర్ క్లినిక్లు, లేజర్ ట్రీట్మెంట్లు, కే-బ్యూటీ ఉత్పత్తులు అందుబాటులో ఉంటాయి. ఫ్రాన్స్ రాజధాని ప్యారిస్ కూడా చర్మ సంరక్షణ ఉత్పత్తులు, ప్రత్యేక చికిత్సలకు ప్రసిద్ధి చెందింది.
మొరాకోలోని హమామ్ స్నాన పద్ధతులు శతాబ్దాల చరిత్ర కలిగిన వెల్నెస్ విధానాలుగా గుర్తింపు పొందాయి. ఆవిరి స్నానం, మట్టి చికిత్స, మర్దన వంటి పద్ధతులు అక్కడ ప్రత్యేక ఆకర్షణగా నిలుస్తాయి.
జర్మనీలోని బాడెన్ బాడెన్ నగరంలోని చారిత్రక స్పా కేంద్రాలు, జపాన్లోని బెప్పు నగరంలోని ఖనిజ ఉష్ణగుండాలు కూడా వెల్నెస్ పర్యాటకులను ఆకర్షిస్తున్నాయి. ఐస్లాండ్లోని బ్లూ లాగూన్ సిలికా, ఆల్గే కలిగిన నీటి కారణంగా చర్మ సంరక్షణకు ప్రసిద్ధి చెందింది.
పర్యాటకం, ఆరోగ్యం, సౌందర్య సంరక్షణలను ఒకే అనుభవంగా అందించడం వల్ల గ్లోకేషన్ ప్రపంచవ్యాప్తంగా కొత్త ప్రయాణ ధోరణిగా మారుతోంది.
పర్యాటకం.. సౌందర్యం.. కలయికే ‘గ్లోకేషన్’.. వెల్నెస్ టూరిజంలో కొత్త ట్రెండ్
3
Published: 📅
Reported by: 🖊
Kanakadri
