పాక్ జర్నలిస్ట్ ప్రశ్నకు జైశంకర్ ఘాటు సమాధానం.. యూఎన్ వేదికగా స్పందన

న్యూయార్క్‌లోని ఐక్యరాజ్యసమితి ప్రధాన కార్యాలయంలో జరిగిన విలేకరుల సమావేశంలో భారత్-పాకిస్థాన్‌కు సంబంధించిన అంశంపై ఆసక్తికర పరిణామం చోటుచేసుకుంది. విదేశాంగ మంత్రి ఎస్. జైశంకర్‌ను పాకిస్థాన్‌కు చెందిన ఓ జర్నలిస్ట్ ప్రశ్నించారు.

భారత్ ఉగ్రవాదాన్ని ప్రోత్సహిస్తోందంటూ పాకిస్థాన్ జర్నలిస్ట్ ఆరోపణలు చేశారు. దీనిపై స్పందించిన జైశంకర్ తీవ్రంగా బదులిచ్చారు. "ఒక టెర్రరిస్ట్ కంట్రీ నన్ను ఆ ప్రశ్న అడుగుతోందా?" అంటూ ఆయన సమాధానం ఇచ్చినట్లు సమాచారం.

లైబీరియా విదేశాంగ మంత్రి సారా బెయిసోలో న్యాంటీతో కలిసి జైశంకర్ న్యూయార్క్‌లో మీడియాతో మాట్లాడారు. వాణిజ్య నౌకలు, నావికుల భద్రత కోసం ఏర్పాటు చేసిన కార్యక్రమానికి సంబంధించిన మీడియా సమావేశంలో ఈ ఘటన జరిగింది.

ఇద్దరు మంత్రులు తమ ప్రసంగాలు ముగించిన తర్వాత పాకిస్థాన్ జర్నలిస్ట్ జైశంకర్‌ను ప్రశ్నించారు. "పాకిస్థాన్‌లో ఉగ్రవాదానికి మద్దతు ఇవ్వడాన్ని మీ ప్రభుత్వం ఎప్పుడు ఆపుతుంది?" అని ప్రశ్నించగా, జైశంకర్ స్పందించారు.

ఈ ఘటనకు ఒక రోజు ముందు ఐక్యరాజ్యసమితి భవనంలోకి వెళ్తున్న పాకిస్థాన్ ప్రధానమంత్రి షెహబాజ్ షరీఫ్‌ను భారత జర్నలిస్ట్ కూడా ప్రశ్నించారు. "ఉగ్రవాదులకు ఆశ్రయం ఇవ్వడం ఎప్పుడు ఆపుతారు?" అని అడిగినప్పటికీ, షెహబాజ్ షరీఫ్ స్పందించకుండా వెళ్లిపోయారని కథనం పేర్కొంది.