ఏపీలో భారీ వరద ముప్పు.. జలాశయాలకు పెరిగిన ప్రవాహం, అప్రమత్తమైన అధికారులు

వాయుగుండం ప్రభావంతో ఆంధ్రప్రదేశ్‌లోని పలు ప్రాంతాల్లో భారీ వర్షాలు కురుస్తుండటంతో జలాశయాలు, నదుల్లో వరద ప్రవాహం పెరుగుతోంది. దక్షిణ ఒడిశా భూభాగంపై వాయుగుండం కేంద్రీకృతమై ఉందని వాతావరణ శాఖ అధికారులు తెలిపారు. ఇది ఉత్తర వాయవ్య దిశగా కదులుతూ శనివారం నాటికి అల్పపీడనంగా బలహీనపడే అవకాశం ఉందని పేర్కొన్నారు.

వరద ఉద్ధృతి పెరగడంతో అధికారులు ప్రజలను అప్రమత్తం చేశారు. జలాశయాల వద్దకు వెళ్లవద్దని సూచించారు. బుడమేరు పరివాహక ప్రాంతాల్లో వరద పెరగడంతో పంట పొలాలు నీట మునిగాయి. పుట్టగుంట, బుడమేరు వంతెన వద్ద వరద ప్రవాహం పెరిగింది. ప్రవాహానికి అడ్డుగా చేరిన గుర్రపుడెక్కను అధికారులు తొలగిస్తున్నారు.

విజయవాడలోని ప్రకాశం బ్యారేజ్‌కు వరద పెరగడంతో గేట్లు ఎత్తి నీటిని విడుదల చేశారు. ఎగువ ప్రాంతాల నుంచి భారీగా వరద నీరు చేరడంతో కృష్ణా డెల్టా ప్రాంతాలకు నీటి విడుదల కొనసాగుతోంది.

ఏలూరు జిల్లాలో భారీ వర్షపాతం నమోదైంది. జిల్లాలో పలు మండలాల్లో అధిక వర్షాలు కురిశాయి. బుట్టాయిగూడెం మండలంలోని గుబ్బల మంగమ్మ ఆలయం వద్ద కొండవాగు పొంగడంతో ఆలయాన్ని మూసివేశారు.

వంశధార, నాగావళి నదుల్లో కూడా వరద ఉద్ధృతి పెరిగింది. గొట్టా బ్యారేజ్, నారాయణపురం అనకట్ట వద్ద మొదటి ప్రమాద హెచ్చరికలు జారీ చేశారు. నదీ పరివాహక ప్రాంతాల ప్రజలు జాగ్రత్తలు పాటించాలని అధికారులు సూచించారు.

విశాఖపట్నం, అనకాపల్లి, అల్లూరి సీతారామరాజు, పశ్చిమగోదావరి, ఏలూరు జిల్లాల్లో వర్షాల కారణంగా పాఠశాలలకు సెలవులు ప్రకటించారు.

తెలుగు హ్యాష్‌ట్యాగ్స్:













Suspicious activity det