మళ్లీ పెరిగిన బంగారం ధరలు.. నేడు హైదరాబాద్, ఏపీ నగరాల్లో రేట్లు ఇవే

గత కొద్ది రోజులుగా తగ్గుముఖం పట్టిన బంగారం ధరలు బుధవారం మళ్లీ పెరుగుదలను నమోదు చేశాయి. ఉదయం 10 గంటల సమయంలో దేశంలోని పలు ప్రధాన నగరాల్లో బంగారం ధరలను పరిశీలిస్తే స్వల్పంగా పెరిగినట్లు తెలుస్తోంది.

గుడ్ రిటర్న్స్ వెబ్‌సైట్ ప్రకారం, హైదరాబాద్, విజయవాడ నగరాల్లో 24 క్యారెట్ల 10 గ్రాముల పసిడి ధర రూ.1,54,200గా ఉంది. నిన్నటితో పోలిస్తే ఈ ధర రూ.870 మేర పెరిగింది. ఇక 22 క్యారెట్ల ఆర్నమెంటల్ బంగారం ధర 10 గ్రాములకు రూ.1,41,350గా నమోదైంది. ఇది నిన్నటి ధరతో పోలిస్తే రూ.800 పెరిగింది.

తెలంగాణలోని హైదరాబాద్, నిజామాబాద్, ఖమ్మం, వరంగల్ నగరాల్లో 24 క్యారెట్ల బంగారం ధర రూ.1,54,200గా ఉండగా, 22 క్యారెట్ల ధర రూ.1,41,350గా ఉంది. 18 క్యారెట్ల బంగారం ధర రూ.1,15,650గా నమోదైంది.

ఆంధ్రప్రదేశ్‌లో విజయవాడ, విశాఖపట్నం, గుంటూరు, నెల్లూరు, తిరుపతి నగరాల్లోనూ ఇదే ధరలు కొనసాగుతున్నాయి. 24 క్యారెట్ల 10 గ్రాముల బంగారం ధర రూ.1,54,200, 22 క్యారెట్ల ధర రూ.1,41,350, 18 క్యారెట్ల ధర రూ.1,15,650గా ఉంది.

దేశంలోని ఇతర ప్రధాన నగరాల్లో కూడా బంగారం ధరల్లో స్వల్ప తేడాలు కనిపించాయి. ఢిల్లీలో 24 క్యారెట్ల బంగారం ధర రూ.1,54,350గా ఉండగా, ముంబై, కోల్‌కతా, కేరళ వంటి ప్రాంతాల్లో రూ.1,54,200గా ఉంది.

బంగారం, వెండి ధరలు మార్కెట్ పరిస్థితులకు అనుగుణంగా ఎప్పటికప్పుడు మారుతుంటాయి. కాబట్టి కొనుగోలు చేసే ముందు తాజా ధరలను పరిశీలించాలని సూచించారు.