స్మార్ట్ఫోన్ బ్యాటరీ త్వరగా అయిపోవడం చాలామందికి ఎదురయ్యే సమస్య. కాల్స్, వాట్సాప్, సోషల్ మీడియా, వీడియోలు, ఆన్లైన్ పనులతో ఫోన్ వినియోగం పెరుగుతోంది. అయితే కొన్ని సెట్టింగ్స్ మార్చడం ద్వారా బ్యాటరీ వినియోగాన్ని తగ్గించుకోవచ్చని టెక్ నిపుణులు సూచిస్తున్నారు.
మొదట స్క్రీన్ బ్రైట్నెస్ తగ్గించాలి. అవసరానికి మించి బ్రైట్నెస్ పెంచితే బ్యాటరీ వేగంగా తగ్గుతుంది. ఆటో బ్రైట్నెస్ ఆన్ చేస్తే పరిసరాల వెలుతురుకు అనుగుణంగా స్క్రీన్ కాంతి మారుతుంది. స్క్రీన్ టైమ్ఔట్ను 15 లేదా 30 సెకన్లకు మార్చుకోవచ్చు. ఆల్వేస్ ఆన్ డిస్ప్లేను నిలిపివేయడం కూడా ఉపయోగపడుతుంది.
రెండోది డార్క్ మోడ్. ముఖ్యంగా OLED, AMOLED డిస్ప్లేల్లో నలుపు రంగును చూపించే పిక్సెల్స్ తక్కువ విద్యుత్ వినియోగిస్తాయి. అందువల్ల డార్క్ మోడ్ బ్యాటరీ ఆదాకు సహాయపడుతుంది.
మూడోది స్క్రీన్ రిఫ్రెష్ రేట్. 90Hz, 120Hz రిఫ్రెష్ రేట్లు స్మూత్ అనుభూతిని అందించినప్పటికీ బ్యాటరీ వినియోగాన్ని పెంచవచ్చు. అవసరమైతే 60Hz లేదా ఆటోమేటిక్ రిఫ్రెష్ రేట్ ఎంచుకోవచ్చు.
నాలుగోది వైర్లెస్ సెట్టింగ్స్. బ్లూటూత్, లొకేషన్ సేవలు అవసరం లేనప్పుడు ఆఫ్ చేయడం మంచిది. ముఖ్యంగా నిరంతరం లొకేషన్ ఉపయోగించే యాప్ల అనుమతులను పరిశీలించాలి.
ఐదోది బ్యాక్గ్రౌండ్ యాప్ల నియంత్రణ. ఫోన్ సెట్టింగ్స్లో బ్యాటరీ వినియోగ వివరాలను పరిశీలించి ఎక్కువ ఛార్జింగ్ ఉపయోగిస్తున్న యాప్లను గుర్తించాలి. అవసరం లేని వాటి బ్యాక్గ్రౌండ్ కార్యకలాపాలను పరిమితం చేయాలి.
అయితే వాట్సాప్, ఇమెయిల్ వంటి ముఖ్యమైన యాప్లను పూర్తిగా నియంత్రిస్తే నోటిఫికేషన్లు ఆలస్యమయ్యే అవకాశం ఉంటుంది.
ఆరోది బ్యాటరీ సేవర్ మోడ్. ఛార్జింగ్ తగ్గినప్పుడు ఈ ఫీచర్ ఉపయోగపడుతుంది. ఇది బ్యాక్గ్రౌండ్ కార్యకలాపాలు, యానిమేషన్లు, సింక్రనైజేషన్ను పరిమితం చేస్తుంది.
కొన్ని ఫోన్లలో బ్యాటరీ 20 శాతానికి చేరుకున్నప్పుడు ఈ మోడ్ ఆటోమేటిక్గా ప్రారంభమయ్యేలా సెట్ చేసుకోవచ్చు.
ఫోన్ బ్యాటరీ త్వరగా అయిపోతోందా? ఈ 6 సెట్టింగ్స్ మార్చితే ఛార్జింగ్ ఎక్కువసేపు నిలుస్తుంది!
11
Published: 📅
Reported by: 🖊
Banu Prakash