ఉపాధి హామీ కార్మికులకు అలర్ట్.. సెప్టెంబర్ 30 వరకే ఛాన్స్.. లేదంటే డబ్బులు పడవు

గ్రామీణ ప్రాంతాల్లో ప్రజలకు చేతి నిండా పని కల్పించేందుకు గాను కేంద్ర ప్రభుత్వం మహాత్మా గాంధీ జాతీయ ఉపాధి హామీ పథకం అమలు చేస్తోన్న సంగతి తెలిసిందే. ఈ స్కీమ్ ద్వారా సంవత్సరానికి 100 రోజులు పని కల్పిస్తారు. అయితే ఈపథకంలో పలు అవకతవకలు చోటు చేసుకుంటున్నాయి. మరీ ముఖ్యంగా కొందరు అధికారులు, ఫీల్డ్ అసిస్టెంట్లు కుమ్మక్కై.. నకిలీ హాజరుతో నిధులు దుర్వినియోగం చేస్తున్నారు. ఈ క్రమంలో నకిలీ హాజరు సమస్యను అరికట్టేందుకు కేంద్ర ప్రభుత్వం చర్యలు తీసుకునేందుకు సిద్ధం అయ్యింది. దీని కోసం సరికొత్త విధానం అమలు చేసేందుకు రెడీ అయ్యింది.