మూసీ పునరుజ్జీవంతో హైదరాబాద్‌కు కొత్త భవిష్యత్తు: సీఎం రేవంత్ రెడ్డి

మూసీ పునరుజ్జీవంతో హైదరాబాద్ నగరం అభివృద్ధి దిశగా ముందుకు సాగుతుందని సీఎం రేవంత్ రెడ్డి అన్నారు. భవిష్యత్ తరాల కోసం ఈ ప్రాజెక్టును చేపడుతున్నామని తెలిపారు. పేదలకు ఎలాంటి నష్టం కలగకుండా చర్యలు తీసుకుంటామని భరోసా ఇచ్చారు. కొందరు అభివృద్ధిని అడ్డుకునేందుకు తప్పుడు ప్రచారం చేస్తున్నారని విమర్శించారు. గాంధీ సరోవర్ వంటి ప్రాజెక్టులతో నగరానికి కొత్త గుర్తింపు వస్తుందని పేర్కొన్నారు. మూసీ పునరుజ్జీవం వల్ల పర్యాటకం, పెట్టుబడులు పెరిగి రాష్ట్ర ఆర్థికాభివృద్ధికి తోడ్పడుతుందని సీఎం రేవంత్ రెడ్డి తెలిపారు.