‘భూత్ బంగ్లా’లో వయసు వ్యత్యాసంపై అక్షయ్ కుమార్ స్పందన

బాలీవుడ్‌లో గత కొంతకాలంగా సీనియర్ హీరోలు మరియు యంగ్ హీరోయిన్ల మధ్య వయసు వ్యత్యాసంపై చర్చలు ఎక్కువగా జరుగుతున్నాయి. ముఖ్యంగా సినిమాల్లో పెద్ద వయసున్న హీరోలకు చాలా చిన్న వయసున్న హీరోయిన్‌లను జోడీగా ఎంపిక చేయడం పై సోషల్ మీడియాలో విమర్శలు వినిపిస్తున్నాయి. ఈ నేపథ్యంలో తన రాబోయే చిత్రం ‘భూత్ బంగ్లా’ ప్రమోషన్లలో బాలీవుడ్ స్టార్ హీరో అక్షయ్ కుమార్ ఈ అంశంపై స్పందించడం ఆసక్తికరంగా మారింది.

ఈ చిత్రంలో అక్షయ్ కుమార్‌కు జోడీగా వామికా గబ్బి నటిస్తోంది. వీరిద్దరి మధ్య సుమారు 26 ఏళ్ల వయసు తేడా ఉందని చెప్పబడుతోంది. దీనిపై స్పందించిన అక్షయ్, వయసు వ్యత్యాసం అనేది కొత్త విషయం కాదని పేర్కొన్నారు. గతంలో కూడా ఇలాంటి జంటలు చాలా సినిమాల్లో కనిపించాయని, హాలీవుడ్‌లో కూడా ఇది సాధారణ విషయమేనని చెప్పారు.

అలాగే కథకు అనుగుణంగా నటీనటులను ఎంపిక చేస్తారని, ప్రతి సినిమా ఒక కథను చెప్పడానికి ప్రయత్నిస్తుందని ఆయన వివరించారు. నిజ జీవితంలో కూడా చాలా మంది తమకంటే పెద్దవారినో, చిన్నవారినో వివాహం చేసుకుంటారని, అందువల్ల సినిమాల్లో కూడా ఇలాంటి జంటలు ఉండటం సహజమేనని చెప్పారు.

అక్షయ్ కుమార్ వామికా గబ్బి గురించి మాట్లాడుతూ ఆమె పనితీరును ప్రశంసించారు. షూటింగ్ సమయంలోనే మొదటిసారి ఆమెను కలిసినట్లు చెప్పిన ఆయన, వామికా చాలా కష్టపడే నటి అని తెలిపారు. ప్రతి సీన్‌కి ముందుగా రిహార్సల్స్ చేస్తూ, పాత్రలో పూర్తిగా లీనమవుతుందని చెప్పారు. ఆమె dedication చూసి తాను చాలా ఇంప్రెస్ అయ్యానని వెల్లడించారు.



మొత్తానికి, వయసు వ్యత్యాసం పై వస్తున్న విమర్శలపై అక్షయ్ కుమార్ మరియు ప్రియదర్శన్ ఇచ్చిన సమాధానాలు ఈ చర్చకు కొత్త కోణాన్ని తీసుకొచ్చాయి. సినిమా అనేది వినోదం కోసం రూపొందించబడుతుందని, అందులో పాత్రలు మరియు కథనే ప్రధానంగా చూడాలని వారు సూచించారు.