పల్నాడు జిల్లాలో నేడు డిప్యూటీ సీఎం పవన్ కళ్యాణ్ పర్యటన

నేడు పల్నాడు జిల్లాలో డిప్యూటీ సీఎం పవన్ కళ్యాణ్ పర్యటించనున్నారు. ఉదయం 10.30 గంటలకు హెలికాప్టర్‌లో కోటప్పకొండకు చేరుకుంటారు. ముందుగా త్రికోటేశ్వర స్వామిని దర్శించుకుంటారు. మార్గమధ్యలో ప్రకృతి పర్యావరణ కేంద్రాన్ని సందర్శిస్తారు. అనంతరం కోటప్పకొండ-కొత్తపాలెం మధ్య రూ.3.9 కోట్లతో నిర్మించిన రోడ్డును ప్రారంభిస్తారు. తరువాత మహాశివరాత్రి ఉత్సవాల ఏర్పాట్లపై పవన్ కళ్యాణ్ సమీక్ష సమావేశం నిర్వహించనున్నారు. భద్రత, ట్రాఫిక్, భక్తుల సౌకర్యాలపై అధికారులకు స్పష్టమైన సూచనలు ఇవ్వనున్నారు. ఈ పర్యటనకు అధికారులు విస్తృత ఏర్పాట్లు చేశారు. స్థానికుల్లో ఉత్సాహం నెలకొంది అని సమాచారం తెలిపారు.