పవర్ స్టార్ పవన్ కళ్యాణ్ సినిమా ఒకటి ఐదేళ్లకు పైగా మేకింగ్ దశలోనే ఉండడం.. వాయిదాల మీద వాయిదాలు పడడం.. బిజినెస్ పరంగా ఇబ్బందులు ఎదుర్కోవడం.. ఆశ్చర్యం కలిగించే విషయాలు. హరిహర వీరమల్లు విషయంలో ఇదే జరిగింది. రకరకాల కారణాల వల్ల ఈ చిత్రం బాగా ఆలస్యం అయింది. దీంతో బడ్జెట్ తడిసి మోపెడైంది. ఈ సినిమాను పూర్తి చేయడానికి, రిలీజ్ చేయడానికి నిర్మాత ఏఎం రత్నం పడుతున్న ఇబ్బందులు అన్నీ ఇన్నీ కావు.
