దేశవ్యాప్తంగా నవంబర్ 10 నుండి పది రోజులపాటు 'స్పెషల్ ఆడిట్ డ్రైవ్' నిర్వహించనున్నట్లు సెంట్రల్ బోర్డ్ ఆఫ్ డైరెక్ట్ ట్యాక్సెస్ (CBDT) చైర్మన్ రవి అగర్వాల్ తెలిపారు. ఆడిట్ ప్రక్రియను సకాలంలో పూర్తి చేయడం, ఫలితాలను విశ్లేషించడంపై సిబ్బందిని సన్నద్ధం చేసేందుకు ఈ ప్రత్యేక డ్రైవ్ చేపట్టారు. హైదరాబాద్లో నిర్వహించిన 'చింతన్ శిబిర్-2025' కార్యక్రమంలో ఆయన ఈ విషయాన్ని ప్రకటించారు. పన్నుల సంబంధిత జవాబుదారీతనం పెంచడంలో ఆడిట్ కీలక పాత్ర పోషిస్తుందని రవి అగర్వాల్ పేర్కొన్నారు. ఈ కార్యక్రమంలో ఆదాయపు పన్ను శాఖకు చెందిన ఆంధ్రప్రదేశ్-తెలంగాణ ప్రిన్సిపల్ చీఫ్ కమిషనర్ ఎం. అనిల్కుమార్, ఇతర ఉన్నతాధికారులు పాల్గొన్నారు.
