గూగుల్ తన తాజా AI ఆధారిత వెబ్ యాప్ ‘ప్రాజెక్ట్ జీనీ’ని విడుదల చేసింది. ఈ టూల్ ద్వారా యూజర్లు తమ సృజనాత్మకతను ఉపయోగించి కొత్త ఇంటరాక్టివ్ ప్రపంచాలను సృష్టించుకోవచ్చు. కేవలం చూడటమే కాకుండా, ఆ ప్రపంచాలను అన్వేషించే అవకాశం కూడా ఈ యాప్ ఇస్తుంది. ఈ టూల్తో తానే ప్రయోగాలు చేస్తున్నానని గూగుల్ సీఈఓ సుందర్ పిచాయ్ వెల్లడించారు. ‘ఇది అసాధారణ అనుభవం’ అంటూ ఆయన ప్రశంసించారు. భవిష్యత్తులో గేమింగ్, ఎడ్యుకేషన్, వర్చువల్ ఎక్స్పీరియన్స్ రంగాల్లో దీనికి పెద్ద ప్రాధాన్యం ఉండనుందని టెక్ వర్గాలు భావిస్తున్నాయి.
