భారత్ మరియు అమెరికా మధ్య తాత్కాలిక వాణిజ్య ఒప్పందానికి సంబంధించిన ఫ్రేమ్వర్క్ను రెండు దేశాలు శుక్రవారం ప్రకటించాయి. గత కొన్ని నెలలుగా కొనసాగుతున్న చర్చలు, టారిఫ్ వివాదాల నేపథ్యంలో ఈ నిర్ణయం కీలకంగా మారింది. ఈ ఫ్రేమ్వర్క్ను త్వరితగతిన అమలు చేసి, పరస్పర లాభదాయకమైన ద్వైపాక్షిక వాణిజ్య ఒప్పందం (BTA) పూర్తి చేసే దిశగా ముందుకు వెళ్లనున్నట్లు సంయుక్త ప్రకటనలో పేర్కొన్నారు. ఇరు దేశాల మధ్య వాణిజ్య సంబంధాలను మరింత బలోపేతం చేయాలనే నిబద్ధతకు ఇది నిదర్శనంగా అధికారులు తెలిపారు
