వాషింగ్టన్ అమెరికాలో ప్రభుత్వ షట్ డౌన్ 40వ రోజుకు చేరుకుంది. దేశవ్యాప్తంగా విమాన సేవలకు అంతరాయం కలగడంతో ఈ ప్రతిష్టంభనను తొలగించడానికి సెనెటర్లు ఆదివారం ప్రత్యేకంగా సమావేశమయ్యారు. అయితే అధికార, విపక్షాల మధ్య అంగీకారం కుదిరే సూచనలు కనబడటం లేదు. నిధుల విడుదలకు సంబంధించిన బిల్లులపై సెనెట్లో డెమోక్రాట్లు, రిపబ్లికన్ల మధ్య అంగీకారం కుదరకపోవడంతో గత నెల 1 నుంచి అమెరికాలో షట్ డౌన్ ప్రారంభమైన సంగతి తెలిసిందే. ప్రభుత్వ షట్ డౌన్ కారణంగా శనివారం అగ్రరాజ్యంలో 1,400కి పైగా విమానాలు రద్దయ్యాయి. 6,000కు పైగా విమానాలు అలస్యమయ్యాయి. 40 విమానాశ్రయాల్లో ఎయిర్ ట్రాఫిక్ను 4 శాతం మేరకు తగ్గించాలని ఫెడరల్ ఏవియేషన్ అడ్మినిస్ట్రేషన్ (ఎఫ్ఏఏ) నిర్ణయించింది.
